भदौं ७, काठमाडौं – सुदर्शन थापाले निर्देशन गरेको फिल्म सम्हालिन्छ कहिले मनुको शीर्ष गीत सार्वजनिक भएको छ।
सोमबार काठमाडौंमा एक कार्यक्रम गर्दै फिल्मको गीत सार्वजनिक गरिएको हो। सुगम पोखरेलको स्वर रहेको गीतमा पूजा शर्मा, आकाश श्रेष्ठ र सोनम तोप्देन फिचर्ड छन्।
त्रिकोणात्मक प्रेम कथामा आधारित फिल्ममा पूजा, आकाश र सोनमसँगै सरोज खनाल, धिरेन शाक्य, गौरी मल्ललगायत कलाकारको अभिनय छ। गायक सोनम तोप्देनले यही फिल्मबाट अभिनयमा डेब्यू गर्दैछन्। उनी बलिउडका चर्चित गीतको कभर संस्करणमा रूचाइएका गायक हुन्।
फिल्म भदौ १७ गतेदेखि प्रदर्शन हुँदैछ।