माघ १९, काठमाण्डौँ – झापामा आगलागी हुँदा एक जनाको मृत्यु भएको छ।
सोमबार बिहान पौने १ बजे कचनकबल गाउँपालिका(१ घेराबारी बस्ने गोबर्धन राजबंशीको एक तले घरमा आगलागी भएको हो।
आगलागी हुँदा जलेर घरधनि ५५र६० वर्षीय राजबंशीको मृत्यु भएको जिल्ला प्रहरी कार्यालयका प्रहरी नायब उपरीक्षक ९डिएसपी० राकेश थापाले बताए।
उनको एउटा गाई, २ वटा बाछा र ३ वटा बाख्रा समेत जलेर मरेका छन्।
उनको काठको खम्बा, टिनको बेरा र टिनकै छानो भएको एक तले घर थियो। उनको १०(११ जनाको परिवार सोही घरमा बस्दै आएको डिएसपी थापाले बताए।
सो घरमा आगालगी भएको भन्ने खबर प्रहरीले सवा १ बजे पाएको थियो।
खबरपछि प्रहरी चौकी घेराबारीबाट खटिएको टोली, भद्रपुर नगरपालिकाको दमकल, बिर्तामोड नगरपालिकाको दमकल र स्थानीयबासीको सहयोगमा पौने २ बजे आगलागी नियन्त्रणमा लिएको थियो।
घर पूर्ण रूपमा जलेर नष्ट भएको डिएसपी थापाले बताए। प्रहरीको टोलीले थप अनुसन्धान गरिरहेको छ।