भदौं २८, काठमाडौं बार्सिलोनाले प्रि–सिजनको खेलमा जिम्न्यास्टिक क्लबलाई ३–१ गोलअन्तरले पराजित गरेको छ।
स्पेनको तेस्रो डिभिजन क्लब जिम्न्यास्टिकलाई बार्सिलोनाले ३(१ गोलअन्तरले पराजित गरेको हो। बार्सिलोनाको जितमा ओस्मान डेम्बेले, फिलिपे कोउटिन्हो र एन्टोनी ग्रिजम्यानले गोल गरे। यता, जिम्न्यास्टिकका लागि ज्याभी बोनिल्लाले एक गोल गरे ।
खेलको पाँचौ मिनेटमा डेम्बेलेले गोल गर्दै बार्सिलोनालाई अग्रता दिलाए। १७औं मिनेटमा ग्रिजम्यानले गोल गर्दै बार्सिलोनालाई २ ० गोलको अग्रता दिलाए । ३० औं मिनेटमा ज्याभीले गोल गर्दै २(१ गोलको स्थितिमा ल्याए। तर कोउटिन्होले ५१औं मिनेटमा गोल गर्दै बार्सिलोनालाई ३- १ गोलको जित दिलाए ।
३३ वर्षीय मेस्सीले यसै साता मात्रै बार्सिलोनामै रहने निर्णय गरेका थिए। त्यसपछि च्याम्पियन्स लिगको सेमिफाइनलमा जर्मन क्लब बायर्न म्युनिकसँग ८–२ गोलअन्तरले पराजित भएपछि मेस्सीले क्लब छाड्ने बताएका थिए ।
बार्सिलोनाले सेप्टेम्बर २७ तारिखमा भिल्लारियलसँग प्रतिस्पर्धा गर्दै ला लिगा फुटबलको नयाँ सिजन सुरु गर्दैछ।