चैत ७, एजेन्सी – इंग्लिस प्रिमियर लिग फुटबल आगामी अप्रिल अन्तिम सातासम्मको लागि स्थगित भएको छ ।
विश्वभर महामारीको रुपमा फैलिएको कोरोना भाईरसलाई मध्येनजर गर्दै इंग्ल्यान्डको फुटबल एसोसियसन (एफए) ले बिहिबार प्रिमियर लिगसहित फुटबल गतिविधि अप्रिल ३० सम्मको लागि स्थगित गर्ने निर्णय गरेको हो ।
एफएले प्रिमियर लिग, ईएफएल लिग, वुमन्स सुपर लिग र वुमन्स च्याम्पियनसिपसहित सम्पूर्ण प्रतियोगिता अप्रिल अन्तिमसम्मको लागि स्थगित गरेको हो ।
चीनबाट फैलिएको कोरोना भाईरसको कारण युरोकप फुटबल समेत एक वर्ष सरिसकेको छ ।