फागुन, १६ काठमाडौं । सिङगिङ रियालिटी सो ‘नेपाल स्टार’ यही फागुन २४ गतेबाट प्रशाारण हुने भएको छ । ‘हामी नेपाली, हाम्रो आवाज’ भन्ने नाराका साथ सुरु हुन लागेको ‘नेपाल स्टार’ केही समय अगाडि नै घोषणा गरिएको थियो ।
की. इन्टरटेन्मेन्टको आयोजना र वाईवाई चाउचाउको प्रायोजनमा हुन लागेको ‘नेपाल स्टार’ नोपल टेलिभिजनबाट प्रसारण हुनेछ । कार्यक्रमका लागि देशका ७ वटै प्रदेशमा अडिसन भइसकेको छ ।
‘नेपाल स्टार’मा संगीतकार आलोक श्री, गायक रामकृष्ण ढकाल र गायिका अञ्जु पन्त निर्णयक छन् । रियालिटी शोका विजेतालाई ३५ लाख नगद प्रदान गरिने छ । अन्तिम ४ प्रतिस्पर्धीलाई ५/५ लाख नगद पुरस्कार प्रदान गरिने आयोजकले जनाएको छ ।