माघ, २९ काठमाडौं । प्रहरीले करिब १ करोड रुपैयाँबराबरको सुनसहित तीन जना पक्राउ गरेको छ । महानगरीय अपराध महाशाखा ललितपुरको टोली र महानगरीय प्रहरी प्रभाग पुल्चोकको संयुक्त टोलीले उनीहरूलाई बुधबार थानकोट सतुंगलबाट पक्राउ गरेको हो ।
पक्राउ परेका तीनै जना भारतीय नागरिक रहेको प्रहरीको भनाइ छ । पक्राउ परेकाहरूले ललितपुरको एक सुन पसल लुटेर भागेको प्रहरीले जनाएको छ ।
अन्य केही अझै फरार रहेको र यसबारे प्रहरीले अनुसन्धानपछि सार्वजनिक गर्ने तयारी गरेको बताएको छ ।