माघ २२, काठमाडौं – मंगलबार रातिदेखि एउटा फोटो सामाजिक सञ्जालमा भाइरल भइरहेको छ । फोटोमा प्रधानमन्त्री केपी शर्मा ओलीले बासुरी बजाइरहेको देखिन्छ भने नेकपाका वरिष्ठ नेताद्वय झलनाथ खनाल र माधव नेपालले सारंगी रेटेर प्रधानमन्त्री ओलीलाई साथ् दिइरहेको देखिन्छ ।
प्रधानमन्त्री केपी शर्मा ओली मंगलबार साँझ ‘सारङ्गी साँझ’ कार्यक्रममा सहभागी भएका थिए । प्रधानमन्त्री निवास बालुवाटारमा मदन भण्डारी कला साहित्य प्रतिष्ठान र नेपाल सङ्गीत तथा नाट्य प्रज्ञा प्रतिष्ठानको सहकार्यमा आयोजित नेपाली मौलिक बाजा र धुनहरुको ‘सारङ्गी साँझ’ मा उनी सहभागी भएका हुन् ।
नाट्य प्रष्ठिानका करिब ३० कलाकारले विभिन्न बाजाको धुन बजाएका थिए । धुनको संयोजन नाट्य प्रतिष्ठानका प्राज्ञ सदस्य अशोक राईले गरेका हुन् ।