माघ १७, काठमाडौं । नेत्रविक्रम चन्द विप्लव समूहका पूर्व केन्द्रीय सदस्य तथा उपत्यकाका ब्युरो इञ्चार्ज माइला लामालगायत चार जनालाई थुनामुक्त गर्न उच्च अदालत पाटनले आदेश दिएको छ ।
मुख्य न्यायाधीश नहकुल सुवेदी र न्यायाधीश श्रीकान्त पौडेलको इजलासले बिहीबार लामासहित धिरिन्द्राकुमारी उपाध्याय, ईश्वर परियार र नविन विश्वकर्मालाई थुनामुक्त गर्ने आदेश दिएको हो ।
उक्त इजलासले अर्का नेता हेमन्त प्रकाश ओलीसहित लोकेन्द ्र कुमार खड्का, बुद्धबहादुर सिंताङ, शिव धिमाल, डिकेन्द्र राई, सूर्य भुजेल र दोर्ची शेर्पालाई भने थुनामै राखेर मुद्दाको पुर्पक्ष गर्न नै भनेको छ।
ओली सहितका नेतालाई एनसेलको केन्द्रीय कार्यालयमा वम विष्फोट गराइ एक जनाको हत्या गरेको आरोप छ। उनीहरूको साथबाट हातहतियार बरामद भएको, राई, भुजेल र शेर्पालाई एनसेलका बडिगार्डहरूले विष्फोट गराएको भन्दै सनाखत गरेको आधारमा थुनामै राख्ने आदेश गरेको हो।