पुस १८, सुनसरी – ईटहरी उपमहानगरपालिका -८ कदमा टोलबाट पेस्तोल १ थान र गोली ५ राउण्ड सहित २ जनालाई प्रहरीले पक्राउ गरेको छ ।
पक्राउ पर्नेहरुमा मोरङ सुन्दरहरैचा नगरपालिका ४ बस्ने ३३ वर्षीय जागिर खान र सुनसरी हरीनगरा गाउँपालिका-७ बस्ने ४७ वर्षीय जमिल अंसारी रहेका छन् ।
गोप्य सूचनाको आधारमा ईलाका प्रहरी कार्यालय ईटहरीबाट खटिएको प्रहरीले उनीहरुलाई नियन्त्रणमा लिई जाँच गर्ने क्रममा जागिर खानको साथबाट हतियार फेला पारी दुवैजनालाई पक्राउ गरेको प्रहरीले जनाएको छ ।
प्रहरीले थप अनुसन्धान गरिरहेको छ ।