मंसिर २४, काठमाडौं –१३औं दक्षिण एसियाली खेलकुद प्रतियोगिता (साग)को मंगलबार (आज) अन्तिम दिन। डिसेम्बर १ अर्थात् मंसिर १५ गते औपचारिक उद्घाटन भएको प्रतियोगिता आज समापन हुन लागेको हो।
सागको समापन समारोह अपराह्न ५ बजेपछि सुरु हुनेछ । समापनका दिन विभिन्न ५ खेलमा प्रतिस्पर्धा हुँदैछ । समापन समारोहसहित काठमाडौंमा ५ खेलमा प्रतिस्पर्धा हुनेछ ।
आज फुटबल, बक्सिङ, बास्केटबल, जुडो र स्क्वास खेलको प्रतिस्पर्धा हुनेछ । पुरुष फुटबलको स्वर्णका लागि नेपाल र भुटानबीच त्रिपुरेश्वरस्थित दशरथ रंगशालामा अपराह्न ३ः०० बजे खेल हुनेछ ।
समापनको अन्तिम दिनसम्म आइपुग्दा नेपाल ४९ स्वर्णसहित तालिकाको दोस्रो स्थानमा छ। १४३ स्वर्णसहित भारत शीर्ष स्थानमा छ।