कात्तिक १९, काठमाडौं – सिन्धुलीको सुनकोसी गाउँपालिकामा पहिलो पटक आयोजित प्रथम सुनकोसी कप फुटबल ०७६ को उपाधी काठमाडौंको भैरव फुटबल क्लबले जितेको छ ।
सुनकोसी युवा समाजले आयोजना गरेको फुटबलको फाइनल खेलमा आयोजक सुनकोसी युवा समाजलाई २,१ गोल अन्तरले हराउँदै भैरव फुटबल क्लव प्रथम भएसँगै उपाधि आफ्नो पोल्टामा पार्न सफल भएको हो ।
विजेता भैरव फुटबल क्लबले नगद ५१ हजार, शिल्ड, मेडल र प्रमाणपत्र हात पारेको छ भने उपविजेता सुनकोसी युवा समाजले ३१ हजार नगद, शिल्ड, मेडल र प्रमाणपत्र पाएको छ ।
प्रतियोगितामा कुशेश्वर युनाइटेड क्लब तेस्रो भएको छ । उक्त क्लबले ११ हजार नगद, मेडल, शिल्ड र प्रमाणपत्र पाप्त गरेको छ । खेलमा सिन्धुली, रामेछाप, काठमाडौं लगायत १६ वटा टिमको सहभागिता थियो ।