असोज १४, काठमाडौं – ईङ्लिस प्रिमियर लिग फुटबलमा म्यानचेष्टर युनाईटेडले आर्सनलसंग बराबरी खेलेको छ ।
घरेलु मैदान ओल्डट्राफोर्डaमा युनाईटेडले लण्डन क्लब आर्सनलसंग १–१ गोलको बराबरी खेल्दै अंक बाँडेको हो । घरेलु टोली युनाईटेडले ४५ औ मिनेटमा स्काट म्याक टोमिनेको गोलबाट अग्रता लिएको थियो ।
पियरी एम्रिक अबुमियाङले ५८ औ मिनेटमा गोल गर्दै युनाईटेडसंग अंक खोस्न सफल रहे ।
सन् १९९८ पछि प्रिमियर लिगको सुरुवाती सात खेलमा सात भन्दा बढी गोल गर्ने अबुमियाङ आर्सनलको पहिलो खेलाडी बनेका छन् ।
अंक बाड्न परेपछि घरेलु टोली युनाईटेड ९ अंक सहित तालिकाको दसौ स्थानमा छ । आर्सनल १२ अंक सहित तालिकाको चौथो स्थानमा छ ।