असोज १, काठमाडौं —काठमाडौंको कपन तेन्जिङ चोक बस्ने एक महिला मृत अवस्थामा भेटिएकी छिन् । मृत अवस्थामा फेला परेकी करिब ४० वर्षीय कमला केसी कपिलबस्तुको बाणगंगा नगरपालिकाकी रहेकी छन् ।
महानगरीय प्रहरी वृत्त बौद्धका डीएसपी रमेश सिंहले कोठाभित्र हातखुट्टा बाँधेर झुण्ड्याइएको अवस्थामा उनको शव फेला परेको जानकारी दिए ।
पहिलो श्रीमानसँग सम्बन्धविच्छेद भएपछि दोस्रो बिहे गरेकी उनी कपनमै मदिरा तथा किनारा पसल चलाउँदै आएकी थिइन् ।
प्रहरीले शव उठाएर अनुसन्धान थालेको छ । प्रारम्भिक अनुसन्धानमा उनको हत्या भएको जस्तो देखिएको प्रहरीले जनाएको छ ।