भर्दौं २,काठमाडौं — आज १८० औँ विश्व फोटोग्राफी दिवस मनाइदै छ । नेपालमा पनि विभिन्न कार्यक्रम गरेर यो दिवस मनाइँदैछ । राष्ट्रिय फोटो पत्रकार समूहका महासचिव प्रदीपराज वन्तका अनुसार समूहले ‘सत्यतथ्य खोजीका लागि फोटो पत्रकारिता’ मूल नाराका साथ धादिङमा विशेष कार्यक्रम गर्ने भएको छ ।
हरेक वर्ष अगस्ट १९ मा यो दिवस मनाउने गरिएको छ । राष्ट्रिय फोटो पत्रकार समूहका अध्यक्ष राजेन्द्र चित्रकारका अनुसार संसारलाई बुझ्न फोटोग्राफीले निकै सहज बनाएकोले यसको सुरुआत भएको दिनलाई विशेष रूपमा स्मरण गर्ने गरिएको छ । औपचारिक रूपमा सन् २०१० देखि यो दिवस मनाउन थालिएको हो ।