साउन १७, काठमाडौं — ललितपुरको नख्खुस्थित कारागारमा दुई कैदीबीच हानाहान हुँदा एक जनाको मृत्यु भएको छ। शुक्रबार दिउँसो भएको हानाहानमा परी कर्तव्य ज्यान मुद्दामा सजाय काटिरहेका बर्दियाका पूर्णबहादुर राजीको मृत्यु भएको छ ।
कर्तव्य ज्यान मुद्दामै जेल सजाय भोगिरहेका सर्लाहीका पवनकुमार महतोले ढुंगा प्रहार गर्दा राजीको मृत्यु भएको हो । दुई जनाबीच जेलभित्रै झगडा भएको थियो र त्यसक्रममा महतोले राजीको टाउकोमा ढुंगा प्रहार गरेका थिए।
उनलाई उपचारका लागि वीर अस्पताल लगिएको थियो। अस्पताल र्पुयाउन नपाउँदै उनको मृत्यु भएको थियो।