साउन ५, काठमाडौं — विप्लब समुहका काठमाडौं ब्यूरो ईन्चार्ज माईला लामा पक्राउ परेका छन् । नेपाल अपराध अनुसन्धान महाशाखाको टोलीले राती १२ ः३० बजे तिर काठमाडौंको काँडाघारीबाट पक्राउ गरेको हो ।
नेपाल प्रहरीले विशेष सुचनाको आधारमा विप्लबका ब्यूरो ईन्चाज लामालाई पक्राउ गरेको महाशाखा प्रमूख एसएसपी सहकुल बहादुर थापाले बताए । त्यसैगरी विप्लबकै अर्का एक जना कार्यकर्ता रेशम तामाङ पनि पक्राउ परेका छन् ।
काठमाण्डौँका विभिन्न ठाउँमा बम विष्फोट गराउन लामाको भूमिका विशेष रहेको भन्दै प्रहरीले विशेष निगरानी गरिरहेको थियो । विप्लवका प्रभावशाली नेता गनिएका लामा तत्कालीन माओवादी टुक्रिएपछि वैद्य नेतृत्वको माओवादी हुँदै विप्लव समुहमा क्रियाशिल छन् ।