असार ११, काठमाडौं — जारी आईसीसी एक दिवसीय विश्वकप क्रिकेट अन्तर्गत मंगलबार भएको खेलमा अष्ट्रेलिया सेमिफाइनलमा प्रवेश गरेको छ । इंग्ल्याण्डलाई २८६ रनको लक्ष्य दिएको अष्ट्रेलिया ६४ रनले विजयी भएसँगै सेमिफाइनलमा पुगेको हो ।
टस हारेर ब्याटिङको निम्तो पाएको अष्ट्रेलियाले ५० ओभरमा सात विकेट गुमाउँदै २८५ रन बनाएको थियो । बलियो सुरुवात गरेको उसले पहिलो विकेटका लागि १२३ रनको साझेदारी गरेको थियो ।