असार २, काठमाडौं यस वर्षको माध्यमिक शिक्षा परीक्षा (एसईई) को परीक्षाफल असारको दोस्रो साताभित्र सार्वजनिक गर्ने तयारी गरेको राष्ट्रिय परीक्षा बोर्डले जनाएको छ ।
देशभरका उत्तरपुस्तिका परीक्षण सम्पन्न भएको र हाल नम्बर इन्ट्रीको काम धमाधम भइरहेकाले असार दोस्रो सातासम्ममा नतिजा सार्वजनिक गर्ने योजना रहेको बोर्डका परीक्षा उपनियन्त्रक चेतनाथ शर्माले जानकारी दिए ।
प्रदेश २ का प्रश्नपत्र परीक्षाअगावै सार्वजनिक भएपछि त्यहाँ पुनः परीक्षा भएको कारण यस बर्षको नतिजा आउन ढिलाई हुन गएको बोर्डले बताएको छ ।
यस वर्ष गत चैत १० गतेबाट शुरु भएको परीक्षामा नियमिततर्फका चार लाख ७५ हजार परीक्षार्थी परीक्षाफलको प्रतीक्षामा छन् ।