असार १, काठमाडौं — श्रीमतीको हत्या गर्ने कञ्चनपुरका एक अभियुक्त नौ महिनापछि पक्राउ परेका छन् । धारिलो हतियार प्रहार गरि श्रीमतीको हत्या गर्ने कञ्चनपुरका चन्द्र बहादुर पुन (मगर) ९ महिनापछि पक्राउ परेका हुन् । श्रीमतीको हत्या लगत्तै पुन भारततिर भागेका थिए ।
पुनलाई आइतबार बिहान कञ्चनपुर प्रहरीले पक्राउ गरेको हो । पक्राउ परेका पुनलाई जिल्ला प्रहरी कार्यालय कञ्चनपुरको हिरासतमा राखिएको छ । प्रहरीले हत्यालगत्तै कर्तव्य ज्यानअर्न्तगत मुद्दा दर्ता गरेको थियो ।
