असार १, काठमाडौं— तयारी विनाकोे तय भएको भनिएको प्रधानमन्त्रीको यूरोप भ्रमण पुरा भएको छ । प्रधानमन्त्री केपी शर्मा ओली एक साताको युरोप भ्रमण सकेर आफ्नो देश फर्कदै छन् ।
कतार एयरवेजको विमानबाट अहिले बिहान प्रधानमन्त्री ओली काठमाडौं एयरपोर्टमा आइपुग्ने ओलीको सचिवालयले बताएको ।
यही जेठ २५ गते स्वीट्जरल्याण्ड, बेलायत र फ्रान्सको भ्रमणमा गएका थिए ,
प्रधानमन्त्री ओली अन्तर्रा्ष्ट्रिय श्रम सङ्गठनको जेनेभामा आयोजित शतवार्षिकी विशेष समारोहमा सहभागी भएलगत्तै स्विटजरल्यान्डमा दुई दिन बसेर त्यतैबाट बेलायत पुगेका थिए । बेलायतमा अक्सफोर्ड विश्वविद्यालयद्वारा आयोजित विशेष समारोहलाई पनि सम्बोधन गर्न भ्याएका थिए ।
बेलायत भ्रमणमा प्रधानमनत्री ओलीको त्यहाँकी प्रधानमन्त्री टेरेसा मे र राजकुमार हेनरी चाल्स अल्वर्ट डेभिड ह्यारीसँग भेघाट भएको थियो ।
प्रधानमन्त्रीको भ्रमण दलमा प्रधानमन्त्री पत्नी राधिका शाक्य, परराष्ट्रमन्त्री प्रदीपकुमार ज्ञवाली, श्रम, रोजगार तथा सामाजिक सुरक्षामन्त्री गोकर्णराज विष्ट, प्रधानमन्त्रीका प्रमुख राजनीतिक सल्लाहकार विष्णु रिमाल, परराष्ट्र सल्लाहकार डा राजन भट्टराई, प्रतिनिधिसभाका उद्योग, वाणिज्य, श्रम तथा उपभोक्ताहित समितिका सभापति विमलप्रसाद श्रीवास्तव, सांसद विन्दा पाण्डे सहितका सहभागी छन् ।