धरानमा लघुवित्तका कर्मचारीमाथि अज्ञात समूहद्वारा गोली प्रहार, एक गम्भीर घाइते

जेठ १२, काठमाडौं — धरानमा एक लघुवित्त वित्तीय संस्थाका कर्मचारीमाथि गोली प्रहार भएको छ । धरानको साउने भन्ने ठाउँमा जीवन विकास लघुवित्तका बजार प्रतिनिधि शम्भुप्रसाद गच्छदारमाथि गोली प्रहार भएको प्रहरीले जनाएको छ । गोली लागेर उनी गम्भीर घाइते भएका छन् ।
गम्भीर घाइते उनको धरानकै वीपी कोइराला स्वास्थ्य विज्ञान प्रतिष्ठानमा उपचार भइरहेको  धरान प्रहरीले जनाएको छ । गोली कसले र किन हानेको भन्ने खुल्न सकेको छैन् । गोली हान्ने समूहको पहिचान नभएको प्रहरीको भनाइ छ । गोली प्रहारपछि प्रहरी त्यस क्षेत्रको सुरक्षा व्यवस्था कडा पारेको छ ।