जेठ ३, काठमाडौं — रुपन्देहीमा बिहीबार साँझ प्रहरीले चलाएको गोली लागेर घाइते भएका एक जना भारतीय नागरिकको ज्यान गएको छ ।
हतियारसहित नेपाल प्रवेश गर्ने क्रममा भारत महाराजगञ्ज फरेण्डाका ५० वर्षीय धिरज धोबीमाथि रुपन्देहीको सिद्धार्थनगरमा प्रहरीले गोली हानेको थियो । गोली उनको पेटमा लागेको थियो ।
उपचारको क्रममा धोबीको भारतको महाराजगञ्जमा ज्यान गएको बताइएको छ । यो घटनामा ३ जना प्रहरी पनि घाइते भएका थिए ।