वैशाख२३, काठमाडौं – काठमाडौंको कोटेश्वरमा शंकास्पद वस्तु फेला परेको छ । शंकास्पद झोला भेटिएपछि अहिले प्रहरी र नेपाली सेनाको टोली पुगेको छ ।
महानगरीय प्रहरी वृत्त नयाँ बानेश्वरका डीएसपी गोविन्द काफ्लेले शंकास्पद ब्याग भेटिएको र त्यसको पहिचान गर्न नेपाली सेनाको बम डिस्पोजल टोली घटनास्थल पुगेको बताए ।
शंकास्पद वस्तु भेटिएका कारण कोटेश्वर– भक्तपुर रुटमा चल्ने सवारी साधनलाई तिनकुने र कोटेश्वर चोकबाटै डाईभर्सन गरिएको छ ।
साथै कोटेश्वर चोक हुँदै चल्ने सवारी साधनलाई वैकल्पिक बाटो प्रयोग गर्न ट्राफिक प्रहरीको आग्रह छ ।