बैशाख २१, काठमाडौं – नेपाल ललितकला पत्रकार समाज (सोफाज) ले सताब्दी वाङमय पुरुष सत्यमोहन जोशी सहित तीन पत्रकारलाई सम्मान गरेको छ । शनिबार नेपाल आर्ट काउन्सिलमा प्रतिनिधी सभाका माननीय सभामुख कृष्णबहादुर महराज्यूको प्रमुख आतिथ्यमा सम्मानित गरिएको हो ।
‘ललितकला पत्रकारिता सम्मान’ सताब्दी वाङमय पुरुष, लेखक, अन्वेषक इतिहासविद् सत्यमोहन जोशी, ‘नारायणबहादुर सिंह ललितकला पत्रकारिता पुरस्कार–२०७५’ बाट सविना श्रेष्ठ (सेतोपाटी) र पर्वत पोर्तेल –कान्तिपुर) तथा ‘सोफाज–लक्ष्मीमाया कुमाले स्मृति ललितकला पत्रकारिता पुरस्कार’ बाट ११,१११ रुपैया र प्रमाणपत्र सहित सम्मानित भए ।
अग्रज पत्रकार श्याम रिमालको संयोजकत्वमा रामनाथ धिमिरे र प्रकृति दाहाल सदस्य रहेको तीन सदस्यीय छनौट समितिले नाम छनौट गरेको आधारमा पुरुस्कार प्रदान गरिएको हो ।
.ललितकला पत्रकारितामा लागेका पत्रकारहरूलाई संगठित गर्दै यसलाई व्यवसायिक र मर्यादित बनाउने उदेश्यले बिगत ४ बर्षदेखि पुरुस्कार बितरण गर्दै आइरहेको सोफाजका अध्यक्ष केशव राज खनालले बताए ।