बैशाष ६, नेपालगञ्ज — आठौं राष्ट्रिय खेलकूद प्रतियोगिताको विहिवार राष्ट्रपति विद्यादेवी भण्डारीद्धारा उद्घाटन भएको छ । राष्ट्रपति भण्डारीले नेपालगञ्जको रङ्गशालामा शुरु भएको प्रतियोगिता घोषणा गर्दै उद्घाटन गरेकी हुन् ।
प्रतियोगिता उद्घाटनअघि सहभागी ११ टोलीले मार्चपास गरेका थिए । यस अवसरमा विभिन्न जातजातिको वेशभूषासहितको सांस्कृतिक झाँकी प्रदर्शनी गरिएको थियो ।
उद्घाटन समारोहमा नेपाली सेना, नेपाल प्रहरी र सशस्त्र प्रहरीले नेपालको राष्ट्रिय झण्डासहित मार्चपास गरेका थिए । युवा तथा खेलकूदमन्त्री एवं प्रतियोगिता मूल आयोजक समितिका अध्यक्ष जगतबहादुर विश्वकर्माले झण्डोत्तोलन गरेका थिए ।