वैशाख ३, काठमाडौ –प्रमुख प्रतिपक्षी पार्टी नेपाली कांग्रेसले राष्ट्रिय जागरण अभियान सुरु गर्ने भएको छ ।
कांग्रेसले हिमाल पहाड तराई मधेश, नेपाली कांग्रेस राष्ट्रिय जागरण अभियान भन्ने नारा सहित अभियानको आज पार्टी कार्यालयमा पत्रकार सम्मेलन गरि घोषणा गरेको हो ।
वैसाख ११ गतेवाट सुरु हुने अभियान पहिलो चरणमा ७७ जिल्लामा हुनेछ । एक महिना लामो कार्यक्रम सकिए पछि भदौ २३ देखि असोज ७ सम्म ३३० निर्वाचन क्षेत्रमा दोस्रो चरणका कार्यक्रम हुनेछन भने तेस्रो चरणको कार्यक्रम पुस ७ देखि १४ सम्म सबै पालिकामा हुनेछ ।
संघीयताको मर्म अनुसार काम नगरेको भन्दै यो विषय जनतालाई बुझाउन जागरण अभियान सुरु गर्न लागिएको बताइएको छ ।