फागुन १, काठमाडौं –धनगढी प्रिमियर लिग (डीपीएल) क्रिकेट प्रतियोगिताको आज तेस्रो खेल हुदैछ ।
फाप्ला क्रिकेट मैदानमा आज धनगढी प्रिमियर लिग (डीपीएल)को तेस्रो संस्करणको खेलमा धनगढीले विराटनगर किंग्ससँग प्रतिस्पर्धा गर्दैछ । खेल दिउँसो एक बजे हुने हुनेछ । यसअघिका दुई खेलमा पराजित भएको धनगढीले जित्ने सम्भावना प्रवल देखिएको छ ।
पहिलो खेलमा काठमाडौं गोल्डेन्ससँग चार विकेट र दोस्रो खेलमा सीवाईसी अत्तरियासँग धनगढी पाँच रनले पराजित भएको थियो । यता पहिलो खेलमा रुपन्देही च्यालेन्जर्ससँग पाँच विकेटले पराजित भएको विराटनगरले पनि दोस्रो खेलमा जित्ने लक्ष्य लिएको छ ।
आजै काठमाडौं गोल्डेन्सले महेन्द्रनगर युनाइटेडसँग भिड्दैछ । खेल विहान ९ बजे सुरु हुनेछ । पहिलो खेलमा काठमाडौं गोल्डेन्सले धनगढीलाई चार विकेटले हराएको थियो । महेन्द्रनगर युनाइटेड पनि रुपन्देही च्यालेन्जर्ससँग पहिलो खेलमा दुई रनले हारेको थियो ।