रोकिएन बलात्कार

साउन ६, डोटी – डोटीमा एक बालिकामाथि भएको बलात्कारको घटना सार्बजनिक भएको छ । सानागाँउ गाविसका स्थानिय २७ वर्र्षिया मीन बहादुर खड्काले १२ वर्षिया बालिकामाथि बलात्कार गरेको भन्दै प्रहरीमा उजुरी परेपछि घटना सार्बजनिक भएको हो ।  खड्काले हिजो दिउसो बलात्कार गरेको भन्दै बालीकाका आफ्न्तले जिल्ला प्रहरी कार्यालय  डोटीमा आज उजुरी दिएको मुद्दा फाँटका असई किसन धामीले जानकारी दिए । आरोपित खड्काले घरपरिवारलाई नभन्नु भन्दै आफुलाई साढे ५ सय रुपैया दिएको पिडीत बालिकाले प्रहरी समक्ष बताएकी छिन । आरोपीत खड्कालाई प्रहरीले नियन्त्रणमा लिई घटनाको अनुसन्धान गरिरहेको जिल्ला प्रहरी कार्यालय डोटीले जनाएको छ । पछिल्लो समय देशैभर बलात्कारका घटनाहरु बढ्दै गईरहेको भएपनि पिडीतले उचित न्याय र पिडकलाई हदैसम्मको कार्बाही हुन नसक्दा घटना दोहरिदै गईरहेका छन् ।