जिल्लाका ग्रामीण इलाकामा सडक विस्तार गरिंदै

माघ १४, बझाङ – स्थानीयबासीन्दाको ध्यान यातायातमा केन्द्रित भएपछि बझाङ जिल्लाका विभिन्न स्थानमा शाखा सडक विस्तार गरिदैंछ । यातायात नै विकासको मेरुदण्ड भएका कारण ती ग्रामीण इलाकाहरुमा शाखा सडक विस्तार हुन थालेका हुन् । जसमध्ये चैनपुर कैलाश शाखा सडक, चैनपुर जयपृथ्वी नगर शाखा सडक, चैनपुर मयाना शाखा सडक, चैनपुर सुर्मा सरोवर शाखा सडक, मोरीबगर चौधारी लेकगाउँ शाखा सडक, दंगाजी महेन्दधार शाखा सडक, तमैल छान्ना थाम सडक, भाडेबगर चौघानपाटा शाखा सडक, विस्तार भइरहेका छन् । विभिन्न सरकारी तथा गैरसरकारी संघ सस्थाहरुको अनुदान, नगरपालिकाको अनुदान एवं गाउँ विकास समितिहरुको अनुदान तथा स्थानीयबासीन्दाको श्रमदानबाट ती सडक विस्तारको काम भइरहेको छ । यातायातको सुविधा भएपछि भारी बोक्ने दुख हट्ने यहाँका स्थानीयबासिन्दाले बताएका छन् ।