फागुन २७, जुम्ला– अख्तियार दुरुपयोग अनुसन्धान आयोगले सम्पति विवरण नबझाउने शिक्षकलाई कारबाही गर्न शिक्षा मन्त्रालयलाई सिफारिस गरेपछि जुम्लाका १ सय ३२ जना शिक्षकले मात्रै जिल्ला शिक्षा कार्यालय जुम्लामा सम्पति विवरण बुझाएका छन् । २ सय ५२ जना स्थायी शिक्षक मध्ये १ सय २२ जना शिक्षकले सम्पत्ति विवरण बुझाउन बाँकी रहेको निमित्त जिल्ला शिक्षा अधिकारी जीवन वहादुर भण्डारीले जानकारी दिए । कार्यालयले तोकेको समयभित्र सम्पति विवरण नबुझाउने शिक्षकलाई ५ हजार रुपैयाँ जरिवाना गरीने पनि उनले बताए । अख्तियारले देश भरका शिक्षकलाई आफ्नो सम्पति विवरण बुझाउन आग्रह गरेको थियो ।
