डिएलए’को नेतृत्वमा घिमिरे

फागुन १८,नेपालगञ्ज– गत शुक्रबारबाट नेपालगन्जमा शुरु भएको ‘डेमोक्रेटिक लयर्स एशोशियशन डिएलए’को ९ औ राष्ट्रिय महाधिवेशनले नयाँ नेतृत्व चयन गर्दै सम्पन्न भएको छ । नेपाली कांग्रेस निकट डिएलए’को महाधिबेसनले सर्वसम्मतबाट अधिवतmा गोपालकृष्ण घिमिरेको अध्यक्षतामा ३३ सदस्यीय नयाँ कार्यसमिति चयन गरेको हो । जसको उपाध्यक्षहरुमा लखनलाल यादव पूर्वाञ्चल, केशवप्रसाद काफ्ले मध्यमाञ्चल, ठाकुर रमण आचार्य काठमाण्डौ उपत्यका, कमला मोहन वाग्ले पश्चिमाञ्चल, प्रहृलाद बहादुर कार्की मध्यपश्चिमाञ्चल र शिवराज पाण्डे सुदूरपश्मिाञ्चल रहेका छन् । यसैगरी महासचिवमा मेघराज पोखरेल,सचिवमा पूर्ण प्रकाश बस्नेत र कोषाध्यक्षमा रामबहादुर श्रेष्ठ निर्वाचित भएका छन् । केही कानुन व्यवसायीहरुका असन्तुष्टीबिच निर्वाचित भएका अध्यक्ष अधिवतmा घिमिरेले सबै कानुन व्यवसायीलाई मिलाएर लैजाने प्रतिवद्धता व्यक्त गरेका छन् ।