चर्च ब्वाइजलाई हराउँदै झापा ११ फाइनलमा

३९ औं मिनेटमा चर्चका गोलरक्षक किरणले आफ्ना खेलाडीलाई डिबक्स नजिकबाट पास दिन खोज्दा झापाका योगेश गुरुङले खोसेको बललाई सदुपयोग गर्दै गोलमा परिणत गरी टिमलाई दुई गोलको अग्रता दिलाए।मध्यान्तरसम्म दुई गोलले पछि परेको चर्चका खेलाडीले धेरैपटक गोलको राम्रो अवसर पाए पनि सदुपयोग गर्न सकेनन्। ७३ औं मिनेटमा चर्चका खेलाडीलाई डिबक्सभित्र लडाएपछि पाएको पेनाल्टीको सदुपयोग गर्न नसक्दा, उसले थप दवाबको सामना गर्नु परेको थियो। चर्चका प्रकाश बुढाथोकीले गरेको पेनाल्टी सुटलाई झापाका गोलरक्षक दिनेश थापाले उत्कृष्ट बचाउ गरेका थिए। झापाको डिफेन्सका अगाडि चर्चका खेलाडी नचलेपछि पोस्टमा कमै आक्रमण गरेका थिए। अन्डर–१९ कप्तान बिमल घर्तीमगरले भने केही राम्रो प्रहार गरेका थिए।खेलको म्यान अफ द म्याच झापाका कर्ण लिम्बु घोषित भए। तीनवटा विभागीय टिमसहित नेपाल र भारतका १० टिमको सहभागिता रहेको प्रतियोगिताको विजेताले दुई लाख २ हजार २ सय २२ रुपैयाँ र उपविजेताले १ लाख १ हजार १ सय ११ रुपैयाँ नगद सहित ट्रफी पाउने छन्।