साउन ११, काठमाडौं – नेपाली बजारमा आज सुन चाँदीको मूल्य बढेको छ । नेपाल सुन चाँदी व्यवसायी महासंघका अनुसार आज सुनको मूल्य प्रतितोला ८ सय रुपैयाँले बढेर प्रतितोला १ लाख १३ हजार ५ सय रुपैयाँमा कारोबार भइरहेको छ ।
बुधबार सुनको कारोबार १ लाख १२ हजार ७ सय रुपैयाँ प्रति तोलामा भइरहेको थियो । आज तेजाबी सुनको कारोबार प्रति तोला १ लाख १२ हजार ९ सय ५० रुपैयाँमा भइरहेको छ । हिजो तेजाबी सुनको मूल्य १ लाख १२ हजार १ सय ५० रुपैयाँ थियो ।
यस्तै, आज नेपाली बजारमा चाँदीको मूल्य तोलामा २५ रुपैयाँले बढेर प्रति तोला १ हजार ४ सय ९० रुपैयाँमा कारोवार भइरहेको छ । हिजो बुधबार चाँदीको मूल्य प्रति तोला १हजार ४ सय ६५ रुपैयाँ थियो ।