असार १, काठमाडौं – फिल्म ‘जय होको फर्स्टलुक पोस्टर सार्वजनिक गरिएको छ । निर्माण टिमले भाद्र ८ गतेलाई रिलिज मिति तय गर्दै दुईवटा पोस्टर सार्वजनिक गरेका हुन् ।
सार्वजनिक दुईटा पोस्टरमा फिल्मका मुख्य कलाकारहरु माओत्से गुरुङ, अर्पण थापा, निशा अधिकारी, केकी अधिकारी र सलोन बस्नेत ‘क्यारेक्टर लुक्स’मा प्रस्तुत छन् ।
सलोन सलिना फिल्मस्को ब्यानरमा निर्माण भएको फिल्मका निर्देशक टेक पौखरी राई हुन् ।
फिल्ममा सुरेश न्यौपानेको पटकथा लेखन, सौरभ लामाको डीओपी, शम्भुजित बाँस्कोटा र सागर आलेको संगीत, बनिश शाहको सम्पादन, सम्राट बस्नेतको द्वन्द्व निर्देशन, कविराज गहतराज र रामजी लामिछानेको कोरियोग्राफी, समीर मियाँको भीएफएक्स छ ।
फिल्मको निर्मातामा अष्ट्रेलियाका व्यवसायी राज के अधिकारी र सुरज सरकार रहेका छन् ।