जेठ २९, काठमाडौं – नेपाली फिल्म ‘मीराः स्याडो अफ अ रेन्बो’को गीत सार्वजनिक गरिएको छ । (मेरो बिश्वास) बोलको गीतमा गायिका प्रविशा अधिकारीको आवाज सुन्न सकिन्छ ।
पवित्रा घिमिरेको रचना रहेको गीतमा संगीत एलिश कार्कीले भरेका छ्न् । सैलेन्द्र एम् प्रधान (बाबु) गीतका एरेन्जर हुन् ।
भिडियोमा निर्देशक समेत रहेकी अनिता पण्डित र नायिका सुरविना कार्कीलाई प्रमुख बनाईएको छ भने अभिनेताद्वय निशान चौहान र कैलाश रावललाई पनि राखिएको छ ।
अनिता पण्डितको निर्देशन , कथा र अभिनय रहेको फिल्मले अटिजमका साथै रिलेशनसिपलाई एक्सप्लोर गर्न चाहने एक आमाको संघर्षको कथालाई उठान गरेको छ । फिल्मको रिलिज मिति भने तोकिएको छैन ।
फिल्ममा सुरविना कार्की, निशान चौहान, कैलाश रावल र रोशनी कार्कीको अभिनय देख्न सकिन्छ ।