असोज ४, काठमाडौं – सरकारले ल्याएको विद्यालय शिक्षा विधेयकविरुद्ध देशभरका शिक्षकहरू अहिले सडक आन्दोलनमा छन्।
आफ्ना विभिन्न माग पूरा गराउन उनीहरूले सरकारलाई दबाब दिएका हुन्।
बिहीबार उनीहरूले नयाँ बानेश्वरस्थित निषेधित क्षेत्रमा प्रवेश गर्ने प्रयास गरेका छन्।
त्यसक्रममा शिक्षक र प्रहरीबीच ढुंगामुडा प्रहार भएर धकेलाधकेल भएको छ। नेपाल शिक्षक संघको अगुवाइमा विद्यालय नै बन्द गरेर शिक्षकहरू सडकमा उत्रिएका छन्।
बानेश्वर क्षेत्र अहिले तनावको स्थितिमा देखिएको छ।