भदौ ४, रूकुम (पूर्व) -भुमे गाउँपालिका-७ लावाङस्थित जंगलको ओढारबाट वेवारिसे अवस्थामा रहेको भरूवा बन्दुक ६ नाल आइतबार साँझ प्रहरीले बरामद गरेको छ । अस्थायी प्रहरी पोष्ट महतबाट खटिएको प्रहरीले उक्त बन्दुक फेला पारी बरामद गरेको हो ।
यसैगरी रूकुम(पूर्व), पुथाउत्तरगंगा गाउँपालिका-४ घुम्नास्थित हिमालय लाली गुराँस सामुदायिक जंगलको ओढारबाट वेवारिसे अवस्थामा रहेको भरूवा बन्दुक १ नाल आइतबार दिउँसो प्रहरीले बरामद गरेको छ । ईलाका प्रहरी कार्यालय रन्मामैकोटबाट खटिएको प्रहरीले उक्त बन्दुक फेला पारी बरामद गरेको हो । दुवै घटनाका सम्बन्धमा प्रहरीले आवश्यक अनुसन्धान गरिरहेको वताएको छ।