साउन १९, काठमाडौं – चलचित्र ऐंचौ पैंचोको प्रचार प्रसारको सुरुवात गरिएको छ। निर्माण टिम बुधबार टेक्सास इन्टरनेशनल कलेजले आयोजना गरेको ओरेन्टेसन कार्यक्रममा पुगेर चलचित्रको प्रचार सुरु गरेको हो ।
चलचित्रको प्रचार गर्न अभिनेता सुशील सिटौला, अभिनेता राजाराम पौडल र अभिनेत्री शारदा गिरी ुकाली बुढीु बुधबार टेक्सास कलेज पुगेका थिए । ओरिन्टेसन कार्यक्रमका पुगेका तीन जना कलाकारले सम्पूर्ण विद्यार्थीलाई चलचित्र हेर्न आग्रह समेत गरे ।
केपी फिल्मस्को ब्यानरमा निर्माण भएको चलचित्रमा स्वस्तिमा खड्का, मुकुन भुषाल, बर्षा राउत, सुशील सिटौला, कोशिस क्षेत्री, रमेश बुढाथोकी, राजाराम पौडेल, बुद्धि तामाङ, रविन्द्र झा, सरिता गिरी, विशाल पहारी लगायतका कलाकारको अभिनय रहेको छ ।
प्रितम लामिछाने र आध्या लामिछाने निर्माता रहेको चलचित्रमा अभिमन्यु निरवीको कथा, पुरुषोत्तम प्रधानको छायाङ्कन, कविराज गहतराजको कोरियोग्राफी, शुजिल कर्माचार्यको पाश्र्व सङ्गीत, रेनिश फागोको कलर, सत्यम राणाको भिएफएक्स, मुकेश शाहको साउण्ड डिजाइन, विनय राज पौडेलको मुख्य सहायक निर्देशक र विपिन मल्ल र भुपेन्द्र अधिकारीको सम्पादन छ ।
कृषा चौलागाई निर्देशित ऐंचौ पैंचो भाद्र १४ गते प्रदर्शन हुँदै छ ।