साउन १२, काठमाडौं – चलचित्र ‘ऐँचो पैँचो’ को गीत सार्वजनिक भएको छ। अस्मिता अधिकारी र आशिस अविरलको आवाजमा रहेको ‘काले केटाले’ बोलको गीत रिलिज गरिएको हो ।
सार्वजनिक गीतमा एकनारायण भण्डारीको शब्द र आयक आशिसको संगीत रहेको छ। भिडियोमा एलेक्स विश्वकर्मा सँग अभिनेत्रीहरू वर्षा राउत र स्वस्तिमा खड्काले नृत्य गरेका छन्।
कृषा चौलागाईको निर्देशनमा तयार भएको फिल्ममा वर्षा राउत र स्वस्तिमा खड्काको साथमा मुकुन भुषाल, सुशील सिटौला, राजाराम पौडेल, कोसिस क्षेत्री, रवीन्द्र झा, बुद्धि तामाङ, सरिता गिरि लगायतका कलाकारको अभिनय रहेको छ। फिल्म भदौ १४ गते बाट रिलिजमा आउँदै छ ।