साउन ८, काठमाडौं – विराटनगरका समर्पण कार्की मिस्टर नेपाल २०२३ बनेका छन्।
१८ प्रतिस्पर्धीलाई पछि पार्दै उनले मिस्टर नेपालको उपाधि जितेका हुन्। उनलाई मिस्टर नेपाल नुतन श्रेष्ठले ताज लगाइदिएका थिए।
प्रतियोगीतामा उनले नगद ५ लाख बराबरको उपहारसहित मिस्टर वर्ल्ड २०२३ वा मिस्टर ग्लोबल २०२३ मा नेपालको प्रतिनिधित्व अवसर प्राप्त गरेका छन्। समर्पण पेशाले पाइलट हुन्।
यो प्रतियोगिता नेक्स्ट मोडल्स नेपालले आयोजना गरेको हो।