साउन ७, काठमाडौं -फिल्म ‘जुलेबी’ को नयाँ पोस्टर सार्वजनिक गरिएको छ । फिल्म निर्मात्री आभा शर्मा नेपालको जन्मदिनको अवसर पारेर सार्वजनिक गरिएको पोस्टरमा फिल्मका मुख्य कलाकारहरूलाई प्रस्तुत गरिएको छ ।
फोर क्युब इन्टरटेन्मेन्टको ब्यानरमा निर्माण बनेको फिल्ममा चार नारी पात्रको कथा समेटिएको छ। फिल्ममा सुरक्षा पन्त, उषा रजक, निशा अधिकारी, मोनिका थापा, सुशील सिटौला, पुष्कर कार्की, तुफान थापा लगायत कलाकारहरूको अभिनय रहेको छ।
निर्देशक गणेश देव पाण्डेको निर्देशन र विवेक खड्काको छायाङ्कन रहेको फिल्मको सम्पादन अन्जय खड्काले गरेका हुन् । फिल्मको कार्यकारी निर्माता नवीन भट्ट हुन् । फिल्म भदौ १ गतेबाट रिलिजमा आउँदै छ ।