बैशाख ३, काठमाडौं – फिल्म हल्कारा को ट्रेलर सार्वजनिक गरिएको छ। आगामी बैशाख २९ गतेबाट प्रदर्शनमा आउन लागेको फिल्मको ट्रेलर केही समय अगाडी रिलिज गरीएको हो । धन कमाउनका लागि विदेशिएका श्रीमानको पखाईमा बसिरहेकी एक महिलाको कथालाई फिल्मले प्रस्तुत गरेको ट्रेलरले प्रस्ट्याउँछ ।फिल्ममा अभिनेता त्रिपाठीले हुलाकीको चरित्र निभाएका छन् ।
कालीपार स्टुडियो र आइसफल प्रोडक्सनको सहकार्यमा निर्माण भएको फिल्मका लेखक, निर्देशक तथा सम्पादक विक्रम सापकोटा हुन् ।रामकृष्ण पोखरेल र विक्रम सापकोटाको निर्माण रहेको फिल्ममा ब्रुनो भ्यालेन्टीको ओरिजिनल म्यूजिक र ज्योती रानाको प्रोडक्सन साउण्ड छ ।‘हल्कारा’मा बिनिता थापा मगर, शारदा गिरी, रोशनी कार्की, पशुपति राई, उमेश तामाङ्ग, विद्या कार्की, प्रकाश दाहाल, बिष्णुभक्त अधिकारी, दीपक क्षेत्री आदिको पनि अभिनय रहेको छ ।