फागुन २२, काठमाडौं – ‘द भ्वाइस किड्स’ का विजेता जेनिश उप्रेतीको आवाजमा नयाँ गीत सार्वजनिक भएको छ ।
‘बाटो’ बोलको गीतमा गायक प्रमोद खरेल र जेनिसको आवाज रहेको छ । भूपेन्द्र खड्काको शब्द रहेको गीतमा भानुभक्त ढकालको लय सिर्जना रहेको छ गायक प्रमोद खरेलको कन्सेप्ट र निर्देशन रहेको भिडियोमा बाल गायक जेनिशकै वास्तविक कथालाई उतारिएको छ ।
भिडियोमा जेनिश र प्रमोदसँगै लक्ष्मी बर्देवा, जीवन वली, सुनिल नेपाली, भानुभक्त ढकाल लगायतको अभिनय छ । मिलन विश्वकर्माले सम्पादन गरेको भिडियोलाई अर्जुन तिवारीले खिचेका छन् । उक्त भिडियोलाई गायक खरेलकै आधिकारिक युट्युब च्यानल बाट रिलिज गरिएको छ ।