असार १५, काठमाडौ- लोकसेवा आयोगको सचिव बढुवा सिफारिस समितिको बैठकले सहसचिव डा.दामोदर रेग्मीलाई सचिव बढुवाका लागि सिफारिस गर्ने निर्णय गरेको छ ।
लोक सेवा आयोगका अध्यक्ष माधव प्रसाद रेग्मीको अध्यक्षतामा सोमवार बसेको बैठकले वरिष्ठ सहसचिव रेग्मीको नाम सिफारिस गरेको हो ।
स्वास्थ्य तथा जनसंख्या मन्त्रायको प्रशासन महाशाखा प्रमुखमा कार्यरत रेग्मीलाई निजामती सेवा ऐन अनुसार बरिष्ठताका आधारमा बढुवा गर्ने प्रावधान अनुसार सचिवमा बढुवा गर्ने गरी सिफारिस गरिएको हो ।
रेग्मीलाई अब बस्ने मन्त्रिपरिषद् बैठकले सचिवमा वढुवा गर्नेछ ।