बाँकेका थप २३ संक्रमित कोरोना मुक्त

असोज २०, बाँके – मंगलबार बाँकेका थप २३ जना कोरोना संक्रमित निको भइ डिस्चार्ज हुँदैछन ।

मंगलबार बाँकेका १२ महिला र ११ पुरुष गरी २३ जना संक्रमित कोरोना मुक्त भई डिस्चार्ज हुँने जिल्ला कोभिड १९ संकट व्यवस्थापन केन्द्र बाँकेका फोकल पर्सन नरेश श्रेष्ठले जानकारी दिए । यो सङ्गै बाँकेमा कोरोना संक्रमणबाट निको हुनेको संख्या १ हजार ६ सय ७३ पुगेको छ ।

विभिन्न आइसोलेसन केन्द्रमा अन्य जिल्लाका १७ सहित ४ सय ४३ जना सक्रिय संक्रमित उपचाररत छन् । बाँके जिल्लामा हालसम्म कोरोनाबाट संक्रमितको संख्या २ हजार १ सय २० रहेको छ भने २१ जनाको कोरोनाका कारण मृत्यु भईसकेको छ ।