चैत १, काठमाडौं — रियालिटी शो ‘कमेडी च्याम्पियन’को पहिलो संस्करणको उपाधि हिमेश पन्तले जितेका छन् ।
शनिबार काठमाडौंमा भएको ग्रान्ड फिनालेमा भोटिङका आधारमा प्रतिस्पर्धी सुमन कोइराला र खड्गबहादुर पुनमगरलाई पछि पार्दै उनले उपाधि हासिल गरेका हुन ।
फिनालेमा वरिष्ठ हास्य कलाकार हरिवंश आचार्यले विजेता घोषणा गरेका थिए । उनले २५ लाख रुपैयाँ नगद र एउटा कार पाएका छन् ।
विशाल भण्डारीले निर्देशन र निर्माण गरेको ‘कमेडी च्याम्पियन’ कान्तिपुर टेलिभिजबाट प्रसारण भएको थियो ।
च्याम्पियन’को निर्णायक मण्डलमा सन्तोष पन्त, मनोज गजुरेल, प्रदीप भट्टराई र ऋचा शर्मा थिए।