फागुन २८, काठमाडौं – कमेडी रियालिटी सो ‘कमेडी च्याम्पियन’ को फिनाले चैत १ गते हुँदै छ ।
पछिल्लो समय निकै रुचाइएको कमेडी च्याम्पियनको फिनालेको टिकट बिक्री खुला गरिएको छ । दर्शकको लागी जम्मा दुई सय टिकट मात्रै बिक्रीमा राखिएको छ ।
भने प्रति टिकटको मूल्य तीन हजार रुपैयाँ राखिएको छ । च्यासलस्थित स्टुडियो मै ग्रान्ड फिनाले आयोजना हुने भएकाले सीमित मात्र टिकट बिक्री गर्न लागिएको हो ।
धेरै मानिस उपस्थित हुने कुनै पनि कार्यक्रम नगर्न सरकारले आग्रह गरेको सङ्क्रमणको जोखिम भएकाले शोको फिनाले स्टुडियोमै गर्नु परेको आयोजकले बताएको छ ।
फिनालेमा प्रमुख अतिथि मह जोडी र राजेश हमाल रहने छन् । विजेताको लागी सुमन कोइराला, खड्गबहादुर पुन र हिमेश पन्तको प्रतिस्पर्धा हुने छ ।
शोको होस्ट रिमा विश्वकर्माले नै गर्ने छिन् भने निर्णायक सन्तोष पन्त, मनोज गजुरेल, प्रदीप भट्टराई र ऋचा शर्माको पनि उपस्थिति रहने छ । यति बेला विजेताको लागी भोटिङ भइरहेको छ । सबै भन्दा धेरै भोट पाउने प्रतिस्पर्धी विजेता घोषित हुनेछन् ।