फागुन १९, काठमाडौं – ‘रिलायन्स इन्टरटेन्टमेन्ट’ र ‘ड्रिम वारियर पिक्चरर्स’ले तामिल को सफल चलचित्र ‘कैथी’को हिन्दी रिमेक बनाउँदै छन् ।
चलचित्रमा अभिनेता अजय देवगण फाइनल भएको खबर आएको छ । ’कैथी’ मा रणवीर सिंहदेखि ऋतिक रोशनसम्मका नाम जोडिएका थिए ।
तर निर्माण पक्षले अजयसँग चलचित्रको लागी लिखित सम्झौता गरिसकेको छ । ओरिजिनल भर्सनमा अभिनेता कर्थीले निर्वाह गरेको भूमिका अब हिन्दी रिमेकमा जयले निभाउने छन् ।
मुख्य अभिनेताको साथमा अजय निर्माताको रूपमा पनि प्रवेश गरेका हुन् । रिलायन्स इन्टरटेन्टमेन्ट र वारियर पिक्चर्ससँग अजयले सहकार्य गरेर चलचित्र निर्माण गर्नेछन् जसको बजेट निकै माथि भएको बताइएको छ ।
एक्सन तथा थ्रिलर जनरामा निर्माण हुने यस चलचित्र केही समयमा नै फ्लोरमा जानेछ ।। ’कैथी’ २०२१ को फेब्रुअरी २१ मा प्रदर्शनमा आउने छ ।