फागुन १८, काठमाडौं –नेपाल कम्युनिस्ट पार्टी (नेकपा) का अध्यक्ष पुष्पकमल दाहाल प्रचण्डमाथि जुत्ता प्रहार भएको छ । राष्ट्रियसभा गृहमा भइरहेको एक कार्यक्रममा पुगेका दाहालमाथि बाहिरबाट जुत्ता प्रहार भएको हो ।
नेकपा नेता स्व. भरतमोहन अधिकारीको प्रथम स्मृति सभाको कार्यक्रममा भाग लिन गएका प्रचण्डमाथि जुत्ता प्रहार भएपनि उनलाई लाग्न भने पाएन ।
राष्ट्रियसभा गृहमा भइरहेको उक्त कार्यक्रमको कं. प्रचण्ड भन्ने उनको अफिसियल पेजबाट प्रत्यक्ष प्रशारण भइरहेको थियो । सो पेजमा आएको भिडियोमा जुत्ता प्रहार भएको आवाज आएको प्रष्टै सुन्न सकिन्छ ।
जुत्ता प्रहार गर्ने व्यक्तिलाई प्रहरीले पक्राउ गरेको छ । यद्यपी उनी को हुन् भन्ने खुल्न सकेको छैन । अनुसन्धान भइरहेको प्रहरीले जनाएको छ ।