फागुन १६ काठमाडौं – फागुन चैत २८ गतेबाट प्रदर्शनमा आउने चलचित्र ’प्रेम गीत ३’ ले यति बेला धमाधम विदेश राइट्स बिक्री गरिरहेको छ ।
चलचित्रको गल्फका कतार, कुवेत, युएई, ओमान, साउदी अरेबिया र बहराइनको लागि पनि राइट्स बिक्री भएको छ । केही दिन अघि नर्थ अमेरिका र युरोप राइट्स विक्री भएको चलचित्रको गल्फका लागी १२ लाखमा बिक्री भएको हो ।
विदेश राइट्सबाट नै ’प्रेम गीत ३’ले रिलिज अगावै ९३ लाख उठाइसकेको छ । चलचित्रको राम्रो हाइप र ब्रान्डका कारण विदेशमा माग पनि राम्रो रहेको छ । जसको कारण चलचित्रको लागी मोटो रकम हाल्न वितरक पछि हटेका छैनन् ।
चलचित्रमा नव(अभिनेत्री क्रिस्टिना गुरुङ, प्रेम पुरी, लक्ष्मी बर्देवा, सुनिल थापा, सन्तोष सेन, माओत्से गुरुङ, पुष्कर कार्की, अनुभव रेग्मी, संवृद्धि शाही ठकुरीलगायतका कलाकारहरूको पनि अभिनय रहनेछ ।